نكت .. ياريت تعجبكم

انا اختارت 10نكت على زوقى ياريت تعجبكم

عايز كل واحد يقول رائيه بصراحه ويختار اكتر

نكته عجبته

1.بخيل واقف فى البلكونة... ابنه جاى من بعيد يقول له بابا بابا بابا بابا بابا... قاله: يا ابن الكلب بابه واحده كفاية.

2.مرة واحد مسطول وقف تاكسي كان سواقه برده مسطول قاله تاخدكام وتوديني فين قاله هات اللي تجيبه وانزل هنا

3.اثنين سكرانين واحد قال للثانى تعرف بيعملوا اية فى اوروبا لما المطر بيمطر ..
قاله لا معرفش .. قال له بيسبوها تمطر

4.تاجر مخدرات حصلت عليه كبسه شرطة فرمى المخدرات في عشة فراخ وجري تاني
يوم بيدور على المخدرات في العشة فوجد فرخه كلتها كلها فقعد يضرب فيها
و بعدين قال لها والله لأنا مأدبك فنتف ريشها كله و راح رماها في عشة
الديوك فاتلمت الديوك عليها فصرخت الفرخه فيهم .. بقول لكم إيـــــه
... أنا مخدرات مش آداب

5.مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق"

6.مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هسسسسس العجلة نايمة"

7.واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...
وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...
وبعد ساعة رجع له تانى وسأله اللواء "فريد" جه؟ قال له لسه ما جاش...
وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك

8.مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة

9.واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش

10. سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصتك ياااااااااا روح امك

بصراحه انا عجبتنى اتنين مش واحده الاولى بتاعه الشاويش واللواء فريد والتانيه بتاعه الفرافير

ماشى يا هوبه نورتى 2بس الى حلوين يعنى والباقى وحش

والى 2عجبوكى قوى

مش عارف ليه نكت المساطيل دايما بتجذبنى يمكن يكون فيه قاسم مشترك؟؟؟؟؟؟؟؟؟؟؟؟؟؟
هههههههههههههههههههههه بجد حلوين يا مان تسلم ايديك

الله يخليك نورت

انا مش قصدى يا جوست كلها حلوه بس انت قولت اكتر واحده وانا اخترت اتنين مش واحده

اوك يا هوبه ميرسى لردك تانى وانا مبسوط جدا انهم عجبوك

شكرا جوست كلها حلوة خصوصا الاخيرة

ميرسى يا امال

ههههههههههههههههههههههههههههههههههه

جميله جداااااااااااااااااااااااااا ياجوست مستنيين اكتر منك

لا يا لؤلؤة احنا متفقين تختارى اكتر واحده تعجبك