المنحوس ..منحوس

واحد شكله غلبان ويصعب عالكافر قاعد على قهوه باصص لكوباية شاي قدامه ومتنح !

شافه واحد رذل عامل نفسه فتوه ,فقال أما اروح أتنطط عليه شوية,راح أدخل عليه وشادد الكوباية من قدامة وشربها على بق واحد , وحطها قدامه فاضيه وقال له ماتنساش تدفع البقشيش !

الراجل راح منفجر في العياط والنهنهة! لدرجه إنه صعب على الفتوه ,فخبط على كتفه وقال:
ياراجل ماتعملش في نفسك كده , معقوله راجل بشنبات يعيط علشان كوباية شاي بخمسين قرش؟
أنا مش بعيط علشان الشاي , بس النهارده أسوأ يوم في حياتي!

صحيت الصبح متأخر , فأخذت الموتوسيكل بتاع أخويا علشان ألحق أفتح المحل , بس برضه وصلت متأخر وصاحب المحل هزأني, ما أستحملتش راح طاردني.

جيت أخذ الموتوسيكل علشان أروح لقيته أنسرق , رحت أبلغ أخويا , أتهمني بسرقته! و, و بعد ما ضربوني في القسم علشان أعترف طلعوني بكفالة مش عارف هسددها أزاي.

و حتى لما قررت أنتحر , جيت أشرب كوباية السم , جيت أنت وخطفتها من إيدي وشربتها .
.دا انا حظى نحس

هههههههههههههههههههههههههههه
دا مش هوه اللى منحوس لوحده ....دا الفتوه كمان
هههههههههههههههههههههههههههههههههه

هههههههههههههههههههههههههههههههههههههه
ابداع يا باشا بجد حكاية ناااااااااااار
معاكى حق يا لؤلؤة الواد دة بيفكرنى بشرارة لو عارفينه
ميرسى يا باشا انت ولعت القسم دة خليته ناااااااااار ربنا يعينك

ههههههههههههههههههههههه

الله يخليكم نورتم