نكتxنكت

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب ميه ميه"

لغز محشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .

واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم

واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"

مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ينابيع يا ابويا يبيع"

مرة واحد ندل فتح مصنع بيبسي , كتب على العلبة "رج جيدا قبل الفتح"

مرة دبانة سقطت فى كاس خمرة طلعت تقول وسع للنسر

فضاءين نزلو الارض في محطة بنزين مافيهاش حد فلفوا حولين مضخة بنزين لفوا حوليها ورجعوا تاني فاصحابهم قالولهم :اية هو شكل سكان الارض فقالولهم :هم تقريبا زينا بس بيناموا وهم واقفين و بيحطوا صباعهم في ودانهم

مره اتنين في اخر الخدمه في الجيش .... الظابط: بيسأل الاول عندك كام سنه 30 يا بيه قعدت كام سنه في الجيش 3 يا بيه معاك شهاده حسن سير و سلوك ... الاتنين يا بيه خرج و قال لصحبه الاجابات 30 /3 الاتنين يابيه الظابط يسأل التاني : قعدت كام سنه في الجيش 30 عندك كام سنه 3 الظابط : مهو حاجه من الاتنين يا انت مجنون يا انا مجنون الاتنين يا بيه

بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

بخيل عيالة نجحوا اشترالهم كورة وقلهم اذا نجحتم السنه الجاية انفخها

تلغراف جه لهريدى من البلد مكتوب فيه : مراتك خلفت والجاموسة خلفت ...احضر فورا للتعرف على المولود

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه

اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش سور خالص قالوا يخساره المهمه فشلت

مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر

مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

كان مرة واحد كل يوم يحلم بماتشات عصافير فراح للدكتور وقال له اللى بيحصله والكتور قاله خد الدواء ده النهاردة رد عليه وقال له استنى عشان النهاردة الماتش النهائى

مرة واحد كل مايركب الاتوبيس يسمع الناس بتقول ابونية وما يدفعوش فلوس فى يوم قال اشمعنى انا واخد مراتة و ابنة وركب الاتوبيس جالة الكمسري قالة تذاكر رد اخينا : لا انا ابونية ودى ام نية ودة نية ذات نفسه

سبعة بلدياتنا عملوا عصابة سموها عصابة الشجعان الثلاثة

واحد بلدياتنا اتحكم علية بالاعدام المذيعة بتسالة : اية شعورك قبل ما تتعدم
قال لها: ارجو ان دة يكون عبرة ليا فى المستقبل