الحب الجامد جدا جدا جدا

خطيب و خطيبته بيحبو بعض اوى اوى اوى

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

ايه ده ايه الكره ده يا عم
يارب ما اقعش في واحده من دول ، ولا اتعرف علي حد من عينه العريس الغفله ده
طب هيتجوزوا ازاي وهما كارهين بعض قوي كده
ههههههههههههههههههههههههههههههههههههه

دول لو اتجوزوا هيولعوا ف بعض وبدل ميخلفوا عيال
هيخلفوا علب بلك اسود ههههههههههههههههههههههه
نورت يا راوى

هههههههههههههههههههههههه
حلوه بلك اسود دي يا جوست
موضوع ظريف ميرسي تاني عليه

ميرسى لمروك يا راوى وكويس انه عجبك

ههههههههههههههههههههههههههه
مرسي جوزت على الموضوع الضريف

نورتى الموضوع يا جميل

ههههههههههههههههههههه

ياسلام لو كل الخطاب كده ....كان يحصل ايه فى الدنيا !!!!

ميرسى ياجوست على الموضوع الظريف ده

كانت ولعت وشكرا لمرورك وردك

» هل الحب هو الجنس؟