فريدريك .... الفن والألم ..

يلا بينا تاني نتوه مع عالم الفن الجميل و الساحر ... و المرة دي مع الفنان الألماني الراائع فريدريك

إسمه بالكامل " كاسبر دافيد فريدريك " ... أو .... فريدريخ ....( حسب نطق اللغة طبعا ً) .... نخليها فريدريك... أشيك

ميلاده كان في (جريفسفالد) ألمانيا : 5 سبتمبر 1774م

أما و فادته كانت في (دريسدين) ألمانيا بردو : 7 مايو 1840م

و دي لوحة لفردريك رسمها لنفسه (self portrait)......

كانت حياه الفنان فردريك حياه بائسة ... و مليئة بالأحداث ... المؤسفة والمحزنة ........ و جد فردريك نفسه قي الحياه ولم يجد له أب ..حيث توفى والده قبل ميلاده ......توفت أمه عندما كان في السابعة من عمره ......توفت أخته بعد ذلك أثر أصابتها بنوع خطير من الحمى يدعى (الحمى النمشية) ........ توفى أخوه غرقا في بحر الجليد عندما كان يحاول أنقاذه .. حيث تكسر الجليد من تحت قدميه ..وسقط فيه غريقا ً ......و أخيرا ً,,...قبل وفاة الفنان فريدريك فقط بخمس سنوات أصيب بسكتة دماغية أدت إلى إصابة أعضائه بالشلل فلم يستطيع بعدها أن يعاود الرسم مرة أخرى...(( حد يصدق حياه بالبؤس ده ))

سنه 1790م أتجه فريدريك (لجامعة جريفسفالد) لدراسة الفن والأدب ...

رسم المناظر الطبيعية كان من الرسوم المفضلة للفنان فريدريك ... ده أكيد ... ده لأنه كان متأثر بالبيئة الجميلة اللي كان عايش فيها ...شمال ألمانيا .. حيث أشكال الأشجار الجميلة ... المساحات الخضراء الشاسعة....الصخور مختلفة الأشكال ... المرتفعات فائقة الجمال ...و كمان جليد الشتاء الرائع ...( كل ده طبعا ً كان ليه تأثير كبير على فن و لوحات الفنان فريدريك).... و طبعا ً حياته البائسة كان ليها أيضا ً تأثيرها على لوحاته ..

تعلو سوا نستعرض أهم لوحات الفنان "كاسبر دافيد فريدريك" :

مرتفعات الطباشير في ريجين (1818م)
فريدريك .... الفن والألم .. 476px-10

تعد هذه اللوحة من أجمل لوحات الفنان فريدريك ....و على فكرة هو رسم اللوحة دي أثناء شهر العسل الخاص بيه..... وكانت اللوحة دي دليل على تطور الآداء الفني لفريدريك ...

شجرة الغربان (1822م)
فريدريك .... الفن والألم .. The_tr10

تائه فوق بحر الضباب (1818م)
فريدريك .... الفن والألم .. 471px-10

في اللوحة دي ... فريدريك بيصور نفسه فوق إحدى قمم الجبال و من أسفل منه كتلة ضخمة جدا ً من الضباب تحيط بالمكان كله .... و في اللوحة دي مزيج رائع جدا ً بين رسم المنظر الطبيعي للجبال والضباب ....مع الرومانسية المتمثلة في العزلة و الوحدة للرجل الواقف أعلى قمة الجبل ......و اللوحة بها العديد من المظاهر الجذابة ... من أهما فكرتها .,, اللي ماكانتش جديدة على الفنان فردريك المتمثلة في أقتصاص أجمل مكان في جبل أو بحيرة ... وفعلا ً في اللوحة هنا أختار أجمل مكان على الجبل هو قمته .... ( اللوحة موجودة حاليا ً بمتحف الكونيشتال في هامبورج (ألمانيا) )

ريسينبريج الخلابة
فريدريك .... الفن والألم .. Landsc10

اللوحة بتمثل تأثر الفنان بمعيشته في أحضان الطبيعة الرائعة ...... اللوحة مرسومة بألوان المية ..

كسوف الشمس (1821م)
فريدريك .... الفن والألم .. Moon_r10

يظهر أن كسوف الشمس ... كان بردو أيامها حدث له أهميته و الكل و بيستناه زي أيامنا دلوقتي ......بس ماعتقدش أن كان فيه أيامها النظارات الواقية من آشعة الشمس فوق البنفسجية .... lol!

عندما يأتي المساء (1817م)
فريدريك .... الفن والألم .. Friedr10

ظاهر في اللوحة تداخل الألوان الرائع اللي بيوضح في السما وقت المساء ....

بحر الجليد (1824م)
فريدريك .... الفن والألم .. 800px-10

أشتهرت اللوحة دي بأسم خاطئ و هو كان "حطام سفينة الأمل" .... و بيظهر على يمين اللوحة حطام سفينة غرقت لإصتدامها بالجليد ......(حسب تخيل الفنان فريدريك أن السفينة دي لم ينجو منها أحد) .... .. و الرسمة بتوضح تأثر الفنان بأحد الأحداث المأسوية في حياته و هو وفاه أخوه في بحر الجليد بعد تكسر الجليد من تحت قدميه ..

المقبرة عند حلول الظلام (1826م)
فريدريك .... الفن والألم .. Cemete10

بردو اللوحة بتوضح تأثر الفنان بحياته الحزينة ... Crying or Very sad

من الأقوال المأثورة للفنان كاسبر دافيد فريدريك :

" الرسام لا يرسم فقط ما هو أمامه , بل ينبغى أن ينظر بداخله , فإن لم يجد شيئا ً فلابد أن يتوقف عن رسم ما هو أمامه "
عندك حق والله يا فنان ..........لأن الفنان قبل ما يكون رسمة فهو فكرة و أحساس .....

صعبة أوي حكاية الفنان فريدريك دي ...... بس برغم كل الأحزان اللي كانت بتحيطه إلا أنه عبر عن اللي جواه بفنه و رسمه الجميل ....

أتمنى يكون الموضوع عجبكو .................... شكرا ً

ميرسى ليك نوبل موضوع جميل وميرسى على المعلومات اكتر

شكرا ليك بجد ياجميل

العفو يا قمر.... ميرسي لمرورك وردك الجميل ..... نورتي البيج

ميرسى يانوبل على نشاطك فى القسم ده

وفعلا دا عاش حياه بؤس وشقاء عشان كده طلعت منه المواهب دى

ميرسي نوبل علي الرسام المميز ( فريديريك ) والموضوع عنه ..

وميرسي علي المجهود لهايل دة يا نوبل

العفو يا جماعة ربنا يخليكو ..... ميرسي لمروركو و ردودكو الجميلة دي .. لؤلؤة و الرااو ..

بجد نشاطك هايل والموضوع رائع انا فعلا مش غلطت لما قلت ان ثقافتك ممتازة م تدينى شوية ربنا يخليك

ههههههههههههه ربنا يخليكي ...... ميرسي يا E على مرورك وردك اللي أسعدني كتير والله .... و بالنسبة للمواضيع الفنية دي .... الرسم هو هوايتي أصلا ً .... والفن واخده غية مش ثقافة مني .... أنا بتعب بس في ترجمة المواضيع من المواقع الأجنبية .... ميرسي تاني ليك

ايون يا عم وكمان بترجم ربنا يعينك انا بترجم برده بس عشان الدراسة مش هواية يعنى Crying or Very sad

الله يكون في عونك .... و ربنا يوفقك في دراستك .... وتتخرجي أن شاء الله بتفوق ...ههههههههههه ..... ماتزعليش أوي كدة كلها كام سنة و تعدي .... ربنا يوفقك

شكرا ع المعلومات القيمه والصور الجميله دى

العفو يا جوست .... ميرسي لمرورك وردك

ميرسى ليك على المعلومات القيمة والصحيحة عن هذا الفنان الجميل وياريت تتكتبلنا عن الاشكال الاخرى كن الفنون التكعيبية وروادها والتسيرالية وغيرها من المدارس الفنية وشكرا مرة تانية على الجهد المبذول منك والفن دة هواية قبل كل شىء وموهبة الحس الجمالى نيرسى كتير ليك

العفو يا جميل .... ميرسي لمرورك ورأيك في الموضوع أسعدني .... بس أنتا شكلك كدة خريج فنون جميلة أو فنون تطبيقية ؟؟؟ ........ ولا إيه .... زي ماقولت بالظبط يا محمد ...فن الرسم هواية وصدقني في كتير من اللوحات من مدارس الفن التجريدي و السريالي و الرمزي مش بفهمها قوي لأن بتكون ليها معاني عميقة ... لكن فيه لوحات أسهل شوية بتحمل أكتر من معنى ... زي ما يكون الرسام عملها عشان تناسب أي مشاهد ليها حسب الحالة النفسية للمشاهد ساعتها ... بس أقتراحك جميل و هأخده بعين الأعتبار ....بس يلا ورينا همتك يا بطل معانا ... ميرسي تاني ليك