انواع الشباب

موضوع: انواع الشباب الأحد أغسطس 19, 2007 9:31 pm

الراشق

ده بقى كل ماتفتح الماسنجر تلاقيه موجود .. واول ما تفتح قبل ما تقول يا فتاح ياعليم تلاقيه دخل مره واحده وبيقولك ازيك .. عامل ايه .. اخبارك ايه .. كويس .. الصحه عال .. وكل ده وانت بتجاوب بـ الحمد لله . ده بيبقى راشق على الماسنجر 24 ساعه وتستغرب انه مش موجود وقبل ما تستغرب تلاقيه دخل وبيقولك كنت باعمل ريستارت للجهاز .. ده فى الاخر هاتقوله معلش انا
مشغول بعد كده بلوك ودليت

الدماغ

ده تلاقيه دايما كده دماغ لوحده فى الدنيا .. يخش مره يقولك " ازيك عامله ايه " تقوله ايه ياعم انت مش فاكرنى يقولك Can I help U .. تقوله ياعم انت انا اللى لسه مكلمك من كام يوم .. يقولك اه معلش اصل الجو برد طب انت عامل ايه ؟ تقوله الحمد لله وتلاقيه هوووب خرج .. المره اللى بعديها تلاقيه بيقولك .. ايوه يابنى انا فوت عليك 5 مرات وباتصل
بيك مش موجود .. تقوله انت تعرف بيتى ولا تليفونى ولا شفتنى قبل كده .. يقولك مش سماح معايا برضه ؟ وكل مره على كده لحد ماتزهق منه وتعمله بلوك وديليت وتولع فى الجهاز بتاعك .

ممكن تليفونيك

ده لما يكلم بنت .. اول حاجه يقولهلها .. ممكن تليفونك ؟ تقوله ليه ؟ يقولها نفسى اسمع صوتك .. تقوله ما احنا ممكن نشغل المايك .. يقولها بس ممكن لما تكونى موجوده انا معرفش انك موجوده فا بالتالى انتى .. تروح تقوله خلاص خلاص 012 وتديله الموبايل .. وبعد كده يزهق امها رنات وكل شويه رسايل من بتاعة العيد دى
بتاعة صباحك معطر ويومك مقنطر والحاجات اللى هى مكتوبه على المكروباسات دى .. فى الاخر ييجى يطلب الرقم يلاقيه اتقفل وده معناه انها زهقت من الدنيا كلها وباعت الخط او رمته او انتحرت .

خلى بالك من نفسك

اول ما يضيف واحده تقوله انت جبت الميل منين .. يقولها كان معمولى فوروورد وانا اسف انى ضفتك من غير ما استاذن
وانا اسف ومعلش وممكن تعمليلى بلوك وديليت .. طبعا هو عارف انها هاتقوله لا خلاص عادى وتكلمه .. هو بس عمل فيها الواد المؤدب فى الاول بعد كده بقى يحلها الحلال .. شويه وقبل ما تقفل يقولها خلى بالك من نفسك .. ولو قالتله انها عنها برد يثولها طب البسى تقيل وخدى دوا مش عارف ايه وادفى واشربى لمون طب اى حاجه اقدمهالك وانتى تعبانه .. وشوية حركات كده طبعا بعديها يكون محل ثقه ويطلب الموبايل وهو واثق انها مش هاترفض .. شويه ويظهر على حقيقته وتعرف انه ضاف صاحبتها وبيكلمها بنفس الطريقه فا طبعا الحل الوحيد ليه بلوك وديليت.

هههههههههههههههههههههههههههههههههه

وانتي بقي من انهي نوع ؟؟؟؟؟؟؟؟؟؟؟

انا مش لاقي ليا وصفه يا بروباجندا

شوفي واحدة وابعتيها .........؟؟

وميرسي علي الموضوع

*

علي فكرة انا مش مشغل المسنجر اصلا ...يدوب علي قد ناس عارفهم وخلاص ...!!

اهو كلام والكل بيقولوا وخلاص قال مش مشغل الماسنجر طيب

اه بقولك دول بتوع الشباب بس يعنى انا مش منهم خالص واكيد انت

واحد منهم قول متتكسفش احنا اخوات بردوة ولا ايه

شكرا ياباشا على المرور