الأسطورة دافنشي ... نبذة عنه ... أهم أعماله

تعالو معاي نتوه في عالم الفن الجميل والساحر مع كبار فنانوا الرسم و نبدأ بالاسطورة الايطالي دافنشي :

إسمه بالكامل " ليوناردو دي سير بييرو دافنشي"
الراجل ده ماكنش بس رسام لا ده كان كمان نحات و موسيقي وعالم رياضيات وهندسة و ميكانيكا وتشريح ومخترع
ميلاده كان في فلورنسا (إيطاليا) : 15 4 1452 م
وفاته بقى في لوار (فرنسا) : 2 5 1519 م

طبعا يا جماعة ليوناردو دافنشي أشتهر بموهبته الفذة في مختلف المجالات الفنية والعلمية و أيضا ً بأعماله و رسوماته اللي تكاد تحاكي الواقع عن طريق اعتماده على الواقعية في الرسم و أحيانا أستعمال الأسلوب الرمزي.....

طبعا ً من أشهر لوحات دافنشي هي لوحات ( الموناليزا - العشاء الأخير - البشارة )

تعالو سوا نستعرض بعض أهم أعمال دافنشي : -

لوحة رسمها دافنشي لنفسه (1512-1515) :
[ندعوك للتسجيل في المنتدى أو التعريف بنفسك لمعاينة هذا الرابط]

مش ممكن العبقرية و الموهبة بتاعة دافنشي في رسم نفسه ..... صعوبة اللوحة دي أنه ماكانش بيعتمد على أنه ينقل من شئ مجسم قدامه ....... و أستخدم الطباشير الأحمر في رسمها ..

وادي أرنو (1473) :
[ندعوك للتسجيل في المنتدى أو التعريف بنفسك لمعاينة هذا الرابط]

و على فكرة دي أول لوحة معروفة رسمها دافنشي .... و زي ما هو واضح أنه كان بيحاول يدرس تضاريس أحد الأودية بإيطاليا

الشيطان الصغير (1513-1516) :
[ندعوك للتسجيل في المنتدى أو التعريف بنفسك لمعاينة هذا الرابط]

زي ما أحنا شايفين في الصورة مواصفات الولد الوسيم ده و هي شعره البني الطويل المجعد .... و الأسم الحقيقي للولد ده هو "جيان جياسومو دي اورينو" مش مهم أسمه المهم حكايته مع دافنشي أنه سنه 1490 دخل بيت دافنشي و هو عمره 10 سنين بغرض أنه يشتغل خادم عنده ..... العلاقة بينهم مابدأتش بسهولة , أستحمل الولد ده المعامله السيئة من دافنشي اللي كان كل شوية يزعقله ويشتمه ساعات يقوله يا حرامي وساعات يقوله يا كداب ومرات يقوله يا عنيد ..... لحد ما كملت اللوحة دي اللي أعتبرها المؤرخين مثال للشباب و الجمال .....و عاش الولد ده مع دافنشي بعدها و كان المساعد الرئيسي ليه لمده ماتقلش عن 30 سنة ...

حاجة تانية لازم نعرفها أن اللوحة دي هي اللي ألهمت دافنشي لرسم الموناليزا ....... و هي بالفعل أكتر لوحة شبيهة بلوحة الموناليزا ..

الموناليزا (القرن السادس عشر) :
[ندعوك للتسجيل في المنتدى أو التعريف بنفسك لمعاينة هذا الرابط]

و الموناليزا طبعا ً من أشهر اللوحات اللي رسمها دافنشي ... و أستخدم فيها الألوان الزيتية ... و لوحة الموناليزا موجودة حاليا ً في متحف اللوفر بفرنسا .... أما بالنسبة لسر شهرة لوحة الموناليزا .....حسب أراء المؤرخين الفنييين و أشهرهم المؤرخ الإيطالي "جورجيو فاساري" اللي هو اساسا ً سماها الموناليزا...... هو أن المشاهد للوحة من أي أتجاه دائما يجد الموناليزا كأنها تنظر له ..... و هنلاقي أن دافنشي أهتم بكل التفاصيل في اللوحة دي من أول شكل الوجه لحد شكل وضع الايدين فوق بعض و كمان شكل الخلفيه ورا الموناليزا....وأن اللوحة ظاهرة بشكل هرمي بحيث أن الموناليزا بتمثل الشكل المثالي للمرأة من أنتصاب في الظهر و أعتدال الاكتاف ..... كمان اهتم دافنشي بتناسق التظليل مع التفتيح حول العيون ... و ده هو سبب سحر عيون الموناليزا ...و أن اللي ينظر لعيونها يحس بالطمأنينه والراحة ...... كمان راعى تناسق الالوان في اللوحة ككل و ده خلاها تخرج بشكلها الواقعي الجميل ده ..

البشارة
[ندعوك للتسجيل في المنتدى أو التعريف بنفسك لمعاينة هذا الرابط]

و تعد هذه اللوحه إحدى الاعمال الدينية لدافنشي ... طول اللوحة 59 سم و إرتفاعها 14 سم ..

العشاء الأخير (1495-1498) :
[ندعوك للتسجيل في المنتدى أو التعريف بنفسك لمعاينة هذا الرابط]

اللوحة ايضا ً من الأعمال الدينية ....... و موجودة حايا علي إحدى جدران كاثدرائية "سانتا ماريا ديلي جرازي" في ميلان (إيطاليا)..

هناك بعض الأعمال لدافنشي لسوء الحظ لن تكتمل لأسباب مختلفة
منها سانتا جيرومي في العراء(1480)
[ندعوك للتسجيل في المنتدى أو التعريف بنفسك لمعاينة هذا الرابط]

و يلاحظ بالفعل عدم أكتمال الالوان بداخل جسم كلا من الرجل(جيرومي) و كذلك الأسد المستلقي ........

زي ما قولنا أن دافنشي كان مميزً في مجالات تانية كتير زي العلوم مثل علم التشريح و كذلك الهندسة والرياضيات والميكانيكا ..... وغيرها

[ندعوك للتسجيل في المنتدى أو التعريف بنفسك لمعاينة هذا الرابط]

الرسم اللي علي اليمين عبارة عن دراسة تشريحيه لدافنشي على الذراع ..... و دافنشي عمل دراسات تشريحية كتير معتمد على التصريح اللي أخده لتشريح الجثث في مستشفى "سانتا ماريا نوفا" في فلورنسا فعمل دافنشي دراسات على الجهاز الهيكلي والعضلي و الهضمي ,,....... وأجهزة أخرى

الرسم اللي على الشمال هو تصميم من صنع دافنشي لآلة طيران .. وأعتمد دافنشي فيها علي النظريات و الدراسات اللي عملها على طيران الطيور.. فصنع كتير من الطيارات و آلات الطيران .... وغيرها من المخترعات المختلفة ....

:
:
:
:

يعني بصراحة مش لاقي وصف أوصف بيه الراجل ده غير أني أقول فعلا يا دافنشي أنتا كنت معجزة كبيرة جدا ً يصعب تكرارها على مدار التاريخ ... رسام ناجح ... مخترع مبدع ... طبيب ... وعالم ... و فلكي .......فعلا انتا أسطورة

أتمنى أن الموضوع يكون عجبكو ....... ولو أي حد ليه آراء يا ريت يقولها ..... ....... برجاء التثبيت .... شكرا ً

برافو عليك يا نوبل

بجد موضوع هايل يستحق التثبيت

بهنيك علي الموضوع وعلي المعلومات الممتازة اللي فيه

مجهود رائع يا حبي
I love you

جميل يانوبل تسلم ايديك ياباشا والله

ميرسي ليكي يا نوبل علي المعلومات الجديدة دي انا اة اعرفة بس مكنتش اعرف

المعلومات الجميلة دي وميسري ليك تاني مرة

العفو يا جماعة .... شكرا ً لتعليقاتكو الجميلة دي
و أتمنى أن الموضوع يكون فعلا ً مفيد .......

شكرا ليك نوبل على الموضوع الشيق ده

واتمنى اشوف المزيد

العفو يا لؤلؤ ...... نورتي البيج و الله

مجهود رائع يستحق الشكر و الي الأمام

ميرسي MoviStar على مرورك و ردك

بس أنا بجد زعلان منك عشان مش بتشترك معانا في المنتدى بالشكل المطلوب
أنا هفوتها ... عشان عارف أن عندك أمتحانات اليومين دول ...

ميرسى ليك يا نوبل ع الموضوع الشيق جدا مجهود راااااااااااااااااااائع

العفو يا E ..... شكرا ً لردك .... أسعدني مرورك ..

ميرسى جدا على المعلومات القيمه دى
وفعلا مجهود رائع وصور تحفه

العفو يا جوست .... ميرسي لمرورك و ردك

» البارون و الفنان "لايتون" ... (بعض أهم أعماله)