ألما - تاديما (الجزء الثاني)

أهلا ً..يلا بينا نتوه سوا في عالم الفن الجميل و الساحر
و تاني مع الفنان الهولندي المتميز "لورنس ألما تاديما"

و اللي كنت قدمته قبل كدة في موضوع.." لورنس .. رسام ولا مصور فوتوغرافي" - و ده طبعا ً لواقعية أعماله -
و كنا استعرضنا سوا لوحات من أجمل أعماله زي (ورود هيلوجابلاس - العثور على موسى - بين الأطلال ... و غيرها)

ألما تاديما _ Self Portrait
ألما - تاديما (الجزء الثاني) Alma_t10

دلوقتي هنستعرض مجموعة أخرى من أجمل لوحات الفنان ....

أختلاف الآراء (1896)
ألما - تاديما (الجزء الثاني) A_diff11

طبعا ً اللوحة واضحة من اسمها ..تعتبر اللوحة من الأعمال الرشيقة و الجميلة لألما تاديما

المغازلة (1908) ألما - تاديما (الجزء الثاني) Courts11

من الأعمال المتميزة لألما تاديما ... و يلاحظ الأتزان بين العاشقين في الأسفل و الأزهار بالأعلى I love you

نحاتو روما القديمة (1877)
ألما - تاديما (الجزء الثاني) Sculpt10

ألما تاديما دايما ً كان خياله بيضرب بجذوره في عمق التاريخ .. و كان بيصور أحداث تاريخية ماحدش شافها لذلك كانت مخيلته واسعة جدا ً ... الأكثر غرابة من كدة هو أهتمامه الكبير بالتفاصيل كأنه شاهد ما رسمه بالظبط و يظهر هذا واضحا ً في هذا العمل بين أشكال الأدوات المتستخدمة من النحاتين و أشكال وجوههم و غيرها ..

الصمت الرهيب (1912)
ألما - تاديما (الجزء الثاني) An_ell12

نجح ألما تاديما في أن يجعل العمل ده مقنع جدا ً ... و المشاهد للوحة دي يشعر فعلا ً بالصمت (مع أن الصمت يشعر بالسمع مش النظر) .... و ده عن طريق أنه جعل عنصر الحركة الوحيد في اللوحة متمثل في حركة بتلات الزهور كأن كل من في المكان لا يسمع غيرها Idea

موت الأبن البكر لفرعون (1877)
ألما - تاديما (الجزء الثاني) Death_10

تزداد في هذه اللوحة بوضوح قدرة "ألما تاديما" الرائعة في التخيل و موهبته الفذة في رسم تفاصيل و أحداث لم يراها.. وطبعا ً يظهر في اللوحة الحزن و الأسى على كل من فيها من أشخاص _و يظهر بوضوح في عيون فرعون هذا الحزن_ ... وطبعا ً في موقف زي ده اللي بيحب فرعون و اللي مابيحبوش لازم يبين أنه زعلان ... وربنا أعلم بالنوايا farao

خجولة (1910)
ألما - تاديما (الجزء الثاني) Shy10

اللوحة واضحة من أسمها بردو ..من الأعمال الجميلة لألما تاديما... يااااا شوفوا وشها أحمر أزاي Embarassed

الكولسيوم (1896)
ألما - تاديما (الجزء الثاني) The_co10

يصور ألما تاديما في هذا العمل جانب من الصرح العملاق في روما القديمة (الكولسيوم) و الذي يعتبر من أحدى عجائب الدنيا الحديثة ... و طبعا ً على الجانب الآخر الفتيات ينظرن بإهتمام للأفواج اللتي تدخل الكولسيوم cyclops

ركوب الزوارق (1886)
ألما - تاديما (الجزء الثاني) Boatin10

تاديما كانت أعماله ذات طابع كلاسيكي خاص و ده شئ خلاه متميز عن باقي الفنانين

مفعمة بالأمل (1909)
ألما - تاديما (الجزء الثاني) Hopefu10

ألما تاديما بيصور هنا جانب.. كان مهم زمان .,وهو إنتظار الزوجة لزوجها اللي خرج للحرب ..... طبعا ً ماكنش فيه أيامها موبايلات عشان تتطمن عليه ولا ميسينجر عشان يكلموا بعض على الشات .... هي كانت كل يوم تستناه ... وعشان كدة كان لازم تكون دايما ً (مفعمة بالأمل)

صوت الربيع (1910)
ألما - تاديما (الجزء الثاني) The_vo10

من الأعمال الهادئة و الجميلة جدا ً لألما تاديما .. و بتبين قد إيه كان الفنان ده بيبحث دائما ً عن الكمال في أعماله ... فعلا ً لوحة ساحرة ...تظهر أيضا ًأهتمامه بالألوان فيها ... (لورنس ألما تاديما) كان من الفنانين اللي بيهتموا بالرسم الدقيق لمكونات اللوحة زي الأزهار, القطع المعدنية, التماثيل, قطع الرخام المتناسقة .. وده ظهر في كل لوحاته الرائعة خاصة اللوحة هنا اللي بختتم بيها الموضوع sunny

فعلا ً زي ماقلت قبل كدة (ألما تاديما) أعماله مالهاش زي و فنه فوق الوصف
و أنتظروا مني الجزء التالت إن شاء الله

II
II
II
II
II
II
II

أتمني يكون الموضوع عجبكوا .......... شكرا ً للمتابعة

موضوع جميل يانوبل بجد واحلى لوحه عجبتنى هيا خجوله

وطبعا وصفك للوح وتعليقاتك جميله جدا
ميرسى يافنان على الموضوع المميز ومنتظرين بقيت الاجزاء يافنان

يعنى بصراحة انا مش عارفة اقول ايه كل مرة تبهرنى كدة اكتر من المرة اللى قبلها الموضوع هااااااااااااااااايل يا نوبل وعاوزين باقى الاجزاء بسرعة

زي ما كنت قلت في الموضوع السابق الفنان ده عبقري في تفاصيله الفنيه بداخل العمل
ميرسي يا نوبل علي مجهودك الرائع بداخل الموضوع

اكيد جميل هايل احسن من رائيع ما في كلام ولا اي كلام يا فنان اهنيك

ميرسي اوي يا جماعة لموروكو و ردودكو الحلوة اوي دي .....
نورتو البيج كلكو Wink