قاعدة حريم بقى

من مناقشات قعدة حريم
قال بيقولوا ظل راجل ولا ظل حيطة...........يا اختي بلا وكسة

طب بدمتك عمرك سمعتي عن حيطة بتقعد تشخر طول الليل و متخلكيش تعرفي تنامي.....

ولا حيطة اول متدخل من باب البيت تقعد تجعر عايزة الغدا.....و بعدين تطين عيشتك علشان الملح طلع زيادة في البامية....

ولا ممكن في يوم ترجعي البيت تلاقي الحيطة بتبوس الشغالة

ولا حيطة تقعد تنكك عليكي رايحة فين و جاية منين.....

ولا حيطة تصحيكي نص الليل علشان معرفش ايه اللي طلع في دماغها فجاة كده...

ولا حيطة تدوخك وراها علشان تعرفي هي بتكلم مين في التيليفون بعد نص الليل...

طب دي الحيطة معروف مكانها...انما المحروس متعرفيش هو سهران في انهي دهية....قال ايه عندي شغل...يا سم

بدمتك في حيطة تحاول تطلعك كل مرة غلطانة علشان تثبت للعيال ان الحيطة بتفهم احسن منك....

ولا حيطة تلوي بوزها و تقعد بالفانيلا لما امك تيجي تزورك و تحب تحكي معاكي نكت عن الحموات...

ولا حيطة تقلك متخرجيش بالفستان ده احسن ما اقطعه عليكي...ولما تقوليلها هاتي فلوس اشتري فستان غيره تعمل ودن من طين وودن من......طب دي حتى الحيطان ليها ودان....

يا شيخة بلا قرف والله الحيطة اجدع......على الاقل مش هتتحبسي لو حققتي حلم كل الستات و دقيتي في الحيطة مسمار.....

هههههههههههههههههههههههههههه

طب بعد ما تدقي في الحيطه مسمار هتقطعيها حتت صغيرة ازاي

وهتحطيها في اكياس بلاستيك ازاي ؟؟؟؟؟

شفتي بقي اننا احسن من الحيطه لسه

وميرسي علي الموضوع وياريت ميكونش رأي شخصي بس !!!!!!!!!!!!!!!

ههههههههههه

هههههههههههههههه


والله عندك حق ياواخده حقنا من الرجاله

ميرسى على الاعدة الجمدة دى

ايوة ياراوى يعنى فيكوا شوية عن الحيطة بس اهو بقى حيطة عن حيطة تفرق

ايه رايك يالؤلؤة و اخدة حقكوا تالت ومتلت منهم اى خدمة ياجميل

شكرا روبى على ردك انتى وبيرلو