هل تريد ان ترتدي زوجتك الحجاب..؟؟

بسم الله الرحمن الرحيم

سؤال مهم يطرح نفسه علينا جميعا..!!
هل ترغب في الزواج من فتاة منقبه..؟؟
هل تريد لزوجتك او خطيبتك في المستقبل ان ترتدي النقاب.؟؟
هل النقاب معناة هنا ان الفتاة التي ترتبط بها ليس لها تجارب سابقه؟؟؟؟؟؟

اسئله كتير احب اسمع رأي الاصدقاء فيها ونتناقش فيها
ومش بس الاولاد لكن كمان البنات رأيهم مهم جدا
البنت تقول هيه رأيها ايه في النقاب وهل هيه ممكن تلبسه؟؟؟
ولو خطيبها طلب منها تلبسه هتلبسه والا هترفض..

ابعتوا اراءكم وبكل الصراحه....

اولا شكرا على الموضوع
ثانيا انا راى ان الحجاب يعنى نقاب واسدال بس ممكن يبقى حجاب عادى جدا وتبقى ماشية احسن من الى لابسة نقاب
ولا اسدال ويحترمها الى قدامها سواء كان خطيبها زوجها اى حد يعنى مش لازم وحكاية ان لو خطيبى طلبها منى
ممكن ارفض لان زى ماقولت مش ضرورى ومش هو دة الى يبين الاسلام والمفروض لو هو الشخص دة
واثق فى خطيبتة او زوجتة ميطلبش طلب زى دة لانة اكيد عارف اخلاقها
فى النهاية يعنى اقولك ان مفيش حد مش محجب الا قليل جدا اليومين دول الحجاب بقى موضة اصلا واكيد
كلة محجب على العموم ميرسى للمرة التانية موضوع جميل

رأي قيم اشكرك عليه يا بروباجندا

بس انا كان قصدي علي النقاب مش الحجاب العادي وبس؟؟

عموما مش هقول رأيي دلوقتي

وهسيب الناس تبعت ردودها فيه بردة

موضوع جميل راوى

حقيقي انا مفكرتش قبل كده فى النقاب لانى مقتنعه ان الحجاب يكفى

دا طبعا الحجاب الشرعى

وانا عن نفسى مش هلبس النقاب الا اذا اقتنعت بيه

حتى لو كان ده طلب من خطيبى

ميرسي علي المرور يا لؤلؤة

وطبعا الرد القيم دة

انا من رايى ان الحجاب كويس
و من راى برضة ان النقاب افضل بس لازم المنقبة تبقى منقبة بجد مش تبقى لابسة نقاب و ماشية تتكلم بصوت عالى فى الشارع
يبقى ملوش لازمة النقاب وفى ناس كتير كدة و دة غلط طبعا
و الا تسيب شعرها بقى و تمشى فى الشارع من غير نقاب احسن
و من راى ان الزوجة اللى تلبس النقاب المفروض متئلعوش تانى لان دة كان شتر ليها
و طبعا دة حرام
و شكرا ع الموضوع الجامد دة

شكرا صايغ علي الرد

رأي مهم فعلا

شكرا راوي علي الموضوع المزهل دة

انا طبعا افضل النقاب لانه احسن واشيك وانضف

ونتمني منك المزيد

مش مسأله أنضف يا هاري

المهم المبدأ موافق عليه وألا لأ ....

انا اعتقد الحجاب الاسلامى يكفى ولكن لوكانت مقتنعه بالنقاب مفيش مانع طبعا

يعني يا جوست لو حبيت تتجوز واحده وكانت منقبه ده هيبقي اوكي معاك
والا هترفض مثلا ..؟؟
وتطلب منها انها تكتفي بالحجاب (الايشارب يعني ...)....؟؟

لا طبعا هاوافق ع النقاب

اوكي يا جوست ميرسي علي رأيك طبعا

موضوع رائع ومهم يا د راوى اولا كلكم اتفقتوا على ان النقاب اكثر تدينا من الحجاب مين الذى قال ذلك النقاب ليس فريضه النقاب يرتدي فقط للمراه الجميله جدا يعنى فى حالات معينه ومحدده وانا رايى ان لو خطيبى فرض عليا النقاب انا ممكن اتركه اولا لانه ليس فرض وانا الحمد لله محجبه ومحتشمه ثانيا خطيبى ممكن يقنعنى لكنه ليس امرا واجب التنفيذ وبعدين اذاكان فى الحج اصلا المفروض ان السيده تكشف وجهها

انا مقولتش فرض انا قولت لو هيا عايزة تلبسه مش همانع طبعا

لكن لو هى مش عايزه تلبس النقاب تفرضه عليها

لا ياهوبه مفيش حد قال انه فرض وبغض النظر عن الناحيه الفقهيه كلنا قلنا ان المقتنع بيه

هوه اللى يلبسه ومش اجبار من اى طرف اخر

مفيش حاجه اسممها اجبار لازم تكون مقتنعه والا يبقى ملوش لازمه

انا عن نفسي لا احب ان زوجتي ترتدي الحجاب
انا فتحت الموضوع اعرف اراء الناس فيه ايه بنات وشباب
وميرسي ليكوا علي اراءكم

نعم مش عايزها تلبس الحجاب تمشى كده يعنى بشعرها وميك اب وبدى ومينى جيب بقه

ههههههههههههههههههههههه

مش للدرجه دي يا جوست انا كان قصدي نقاب

لكن طبعا لازم تغطي شعرها ومن غير ميك أب لو ده مضايقك ...؟؟

تلبس لبس محترم ولا يظهر جسمها وايشارب يغطي الشعر كله وخلاص

ميرسي ليكم كلكم علي ردودكم

» اناقة وجمال الحجاب
» هل تريد العيش في هذا القصر الرائع؟؟؟؟؟؟؟؟؟؟؟؟؟؟؟؟؟؟؟؟