ألما - تاديما (الجزء الثاني)

أهلا ً..يلا بينا نتوه سوا في عالم الفن الجميل و الساحر
و تاني مع الفنان الهولندي المتميز "لورنس ألما تاديما"

و اللي كنت قدمته قبل كدة في موضوع.." لورنس .. رسام ولا مصور فوتوغرافي" - و ده طبعا ً لواقعية أعماله -
و كنا استعرضنا سوا لوحات من أجمل أعماله زي (ورود هيلوجابلاس - العثور على موسى - بين الأطلال ... و غيرها)







دلوقتي هنستعرض مجموعة أخرى من أجمل لوحات الفنان ....


أختلاف الآراء (1896)


طبعا ً اللوحة واضحة من اسمها ..تعتبر اللوحة من الأعمال الرشيقة و الجميلة لألما تاديما



المغازلة (1908)

من الأعمال المتميزة لألما تاديما ... و يلاحظ الأتزان بين العاشقين في الأسفل و الأزهار بالأعلى



نحاتو روما القديمة (1877)


ألما تاديما دايما ً كان خياله بيضرب بجذوره في عمق التاريخ .. و كان بيصور أحداث تاريخية ماحدش شافها لذلك كانت مخيلته واسعة جدا ً ... الأكثر غرابة من كدة هو أهتمامه الكبير بالتفاصيل كأنه شاهد ما رسمه بالظبط و يظهر هذا واضحا ً في هذا العمل بين أشكال الأدوات المتستخدمة من النحاتين و أشكال وجوههم و غيرها ..



الصمت الرهيب (1912)


نجح ألما تاديما في أن يجعل العمل ده مقنع جدا ً ... و المشاهد للوحة دي يشعر فعلا ً بالصمت (مع أن الصمت يشعر بالسمع مش النظر) .... و ده عن طريق أنه جعل عنصر الحركة الوحيد في اللوحة متمثل في حركة بتلات الزهور كأن كل من في المكان لا يسمع غيرها



موت الأبن البكر لفرعون (1877)


تزداد في هذه اللوحة بوضوح قدرة "ألما تاديما" الرائعة في التخيل و موهبته الفذة في رسم تفاصيل و أحداث لم يراها.. وطبعا ً يظهر في اللوحة الحزن و الأسى على كل من فيها من أشخاص _و يظهر بوضوح في عيون فرعون هذا الحزن_ ... وطبعا ً في موقف زي ده اللي بيحب فرعون و اللي مابيحبوش لازم يبين أنه زعلان ... وربنا أعلم بالنوايا



خجولة (1910)


اللوحة واضحة من أسمها بردو ..من الأعمال الجميلة لألما تاديما... يااااا شوفوا وشها أحمر أزاي



الكولسيوم (1896)


يصور ألما تاديما في هذا العمل جانب من الصرح العملاق في روما القديمة (الكولسيوم) و الذي يعتبر من أحدى عجائب الدنيا الحديثة ... و طبعا ً على الجانب الآخر الفتيات ينظرن بإهتمام للأفواج اللتي تدخل الكولسيوم



ركوب الزوارق (1886)


تاديما كانت أعماله ذات طابع كلاسيكي خاص و ده شئ خلاه متميز عن باقي الفنانين



مفعمة بالأمل (1909)


ألما تاديما بيصور هنا جانب.. كان مهم زمان .,وهو إنتظار الزوجة لزوجها اللي خرج للحرب ..... طبعا ً ماكنش فيه أيامها موبايلات عشان تتطمن عليه ولا ميسينجر عشان يكلموا بعض على الشات .... هي كانت كل يوم تستناه ... وعشان كدة كان لازم تكون دايما ً (مفعمة بالأمل)


صوت الربيع (1910)

من الأعمال الهادئة و الجميلة جدا ً لألما تاديما .. و بتبين قد إيه كان الفنان ده بيبحث دائما ً عن الكمال في أعماله ... فعلا ً لوحة ساحرة ...تظهر أيضا ًأهتمامه بالألوان فيها ... (لورنس ألما تاديما) كان من الفنانين اللي بيهتموا بالرسم الدقيق لمكونات اللوحة زي الأزهار, القطع المعدنية, التماثيل, قطع الرخام المتناسقة .. وده ظهر في كل لوحاته الرائعة خاصة اللوحة هنا اللي بختتم بيها الموضوع

زي ما كنت قلت في الموضوع السابق الفنان ده عبقري في تفاصيله الفنيه بداخل العمل
ميرسي يا نوبل علي مجهودك الرائع بداخل الموضوع

اكيد جميل هايل احسن من رائيع ما في كلام ولا اي كلام يا فنان اهنيك

ميرسي اوي يا جماعة لموروكو و ردودكو الحلوة اوي دي .....
نورتو البيج كلكو